MAHMUD QOSHGʻARIYNING QOMUSIY GEOGRAFIK ASARI

Ushbu maqolada alloma Mahmud Qoshgʻariyning “Devonu lugʻotit turk” asarining X – XI yuz yilliklardagi turk ellarining tili, oʻtmishi, joʻgʻrofiyasi, madaniyati kabi koʻplab yoʻnalishlar boʻyicha topilmas bilimlarni beruvchi bitik ekanligi toʻgʻrisida soʻz yuritiladi. Binobarin “Devonu lugʻotit turk” oddiy lugʻat kitobi boʻlmay, balki tilshunoslik, tarix va kartografiya ilmi taraqqiyotiga juda katta hissa boʻlib qoʻshilgan qomusiy asardir.  Aasarda turkiy xalqlarning kundalik turmush tarzi, hunarmandchilik turlari va madaniy haѐtga oid soʻz va atamalar keltirilgan. Bu esa bizga oʻsha davrdagi madaniy-maishiy hayot qay darajada taraqqiy etganligini koʻrsatadi. Shuningdek, davlat boshqaruv tizimi, darajaviy unvonlar, tabaqalar, harbiy taktikasigacha tasavvurga ega boʻlish mumkin.