AGROSANOAT MAJMUAСIDA RAQAMLI TEXNOLOGIYALARNI JORIY ETISHNING IQTISODIY SAMARASI

Ushbu maqolada agrosanoat majmuasida raqamli texnologiyalarni joriy etishning iqtisodiy samarasi ilmiy-nazariy va amaliy jihatdan tahlil qilingan. Jahon tajribasida agrar sohada qo‘llanilayotgan innovatsion yechimlar – dronlar, sensorlar, raqamli monitoring tizimlari, sun’iy intellekt asosidagi ma’lumotlar tahlili, blokcheyn texnologiyalari hamda “aqlli fermerlik” konsepsiyasi o‘rganilgan. Shuningdek, O‘zbekiston agrosanoatida raqamli texnologiyalarni joriy etishning mavjud holati, ularning mehnat unumdorligini oshirish, xarajatlarni kamaytirish va mahsulot sifatini yaxshilashdagi ahamiyati ko‘rsatib berilgan. Tadqiqot natijalariga ko‘ra, agrosanoatda raqamli transformatsiya barqaror rivojlanish va milliy iqtisodiyotning raqobatbardoshligini ta’minlashda muhim omil hisoblanadi.