МУНИЦИПАЛ МУЛКНИ БОШҚАРИШНИНГ БУГУНГИ КУНДАГИ ҲОЛАТИ ВА ТАҲЛИЛИ

Мақолада муниципал мулкни бошқаришнинг бугунги кундаги ҳолати ва хусусиятлари таҳлил қилинган, ҳудудларни ижтимоий-иқтисодий ривожлантиришда ундан фойдаланишнинг асосий муаммолари ва тенденциялари аниқланган. Бошқарувнинг мавжуд механизми, унинг ҳуқуқий ва институционал асослари, шунингдек, муниципал корхоналар ва ташкилотлар фаолиятининг амалий жиҳатлари ўрганилган. Муниципал активларни тасарруф этиш жараёнида маҳаллий ўзини ўзи бошқариш органларининг самарадорлиги, шаффофлиги ва масъулияти масалаларига алоҳида эътибор қаратилган.