TA'LIM TASHKILOTLARIDAGI ZOʻRAVONLIK HOLATLARINI PROFILAKTIKASIDA PSIXOLOG O'RNI

Ushbu ilmiy maqolada taʼlim tashkilotlarida uchraydigan zoʻravonlik holatlari va ularning oqibatlarini kamaytirishda psixologning oʻrni hamda faoliyat yoʻnalishlari tahlil qilinadi. Psixologning oʻquvchilar, oʻqituvchilar va ota-onalar bilan olib boradigan profilaktik ishlari, psixologik treninglar, maslahatlar va individual suhbatlarning samaradorligi keng yoritiladi. Zoʻravonlikning oldini olishda taʼlim muassasalarida sogʻlom psixologik muhit yaratish, ijtimoiy-emosional kompetensiyalarni rivojlantirish va konfliktlarni konstruktiv hal qilish usullarining ahamiyati alohida taʼkidlanadi. Tadqiqot natijalari psixologning nafaqat muammolarni bartaraf etuvchi, balki zoʻravonlikning kelib chiqish sabablarini oldindan aniqlab, profilaktika qiluvchi subyekt sifatida faol rol oʻynashini koʻrsatadi.