YOSHLAR NUTQIDA INTERNET VA IJTIMOIY TARMOQLAR TA'SIRI

Ushbu maqolada internet va ijtimoiy tarmoqlarning yoshlar nutqiga ta’siri tahlil qilinadi. Tadqiqot davomida sotsiologik so‘rovnoma va kuzatuv metodlari qo‘llanildi. Olingan natijalar shuni ko‘rsatadiki, yoshlarning katta qismi qisqartmalardan, inglizcha so‘z va atamalardan foydalanadi hamda internetdagi muloqot uslubi kundalik nutqqa ham ko‘chib o‘tmoqda. Ijtimoiy tarmoqlar yoshlar nutqini boyitishda ijobiy omil bo‘lsa-da, u til madaniyati va adabiy me’yorlarga salbiy ta’sir ko‘rsatishi ham mumkin. Shuning uchun yoshlarning nutqiy madaniyatini mustahkamlash hamda internet muloqotida madaniy til me’yorlarini targ‘ib qilish muhim ahamiyat kasb etadi.