INTERFAOL MULTIMEDIA ILOVALARI YORDAMIDA MAKTABGACHA YOSHDAGI BOLALARDA E'TIBOR VA XOTIRANI MUSTAHKAMLASH

Annotatsiya: Bugungi raqamli transformatsiya sharoitida ta’lim jarayoniga zamonaviy texnologiyalarni integratsiyalash maktabgacha ta’lim sohasida ham dolzarb bo‘lib bormoqda. Ushbu maqolada maktabgacha yoshdagi bolalarning e’tibor va xotira qobiliyatlarini rivojlantirishda interfaol multimedia ilovalari samaradorligi tahlil qilinadi. Interfaol dasturlar bolalarning qiziqishini uyg‘otadi, ularni faol ishtirokga undaydi va o‘yin asosida o‘quv materialini eslab qolishiga xizmat qiladi. Tadqiqotda bolalar psixologiyasi, kognitiv rivojlanish nazariyalari asosida vizual, audial va kinestetik stimullarni birlashtirgan interfaol ilovalarning ta’siri o‘rganiladi. Muallif tomonidan olib borilgan eksperimentlar natijalari bolalarda konsentratsiya, eslab qolish, qoidaga rioya qilish, muammoli vaziyatlarni hal qilish va ijodiy fikrlash ko‘nikmalarining sezilarli darajada oshganini ko‘rsatdi. Shuningdek, maqolada pedagoglar uchun interfaol mashg‘ulot namunasi, vizual materiallar va tavsiyalar taqdim etiladi. Ushbu yondashuv bolalarning nafaqat kognitiv, balki ijtimoiy-emotsional rivojiga ham ijobiy ta’sir ko‘rsatadi.