Turk romanchiligida Tariq Bug'ra ijodiy fenomeni

Mazkur maqolada turk adabiyotining yirik vakili Tariq Bug‘ra hayoti va ijodiy merosi ilmiy nuqtai nazardan o‘rganiladi. Yozuvchining asarlarida qishloq aholisi hayoti, inson ruhiyatining murakkab jihatlari, adolat, jasorat, e’tiqod va aql kabi abadiy qadriyatlar tasviri alohida urg‘u bilan yoritilgan. Tariq Bug‘raning badiiy yondashuvi, ayniqsa, tarixiy realizm, ichki monologlar, syujet dinamizmi va psixologik chuqurlik orqali ajralib turadi. Shuningdek, uning ijtimoiy va falsafiy qarashlari zamonaviy turk romanistikasi taraqqiyotida muhim o‘rin tutadi.