Bo'lajak boshlang'ich ta'lim o'qituvchilarining adabiy kompetensiyalarini rivojlantirishda matn ustida ishlashning ahamiyati

Mazkur maqolada bo‘lajak boshlang‘ich ta’lim o‘qituvchilarida adabiy kompetensiyalarni rivojlantirish jarayonida
matn turlarining tutgan o‘rni va ta’limiy imkoniyatlari atroflicha tahlil qilingan. Tadqiqotda matn turlarining pedagogik
jarayondagi ahamiyati nafaqat axborot yetkazish vazifasi, balki o‘quvchilarda mustaqil va tanqidiy fikrlash, obrazli
tafakkur, muloqot madaniyati hamda estetik didni shakllantirishdagi roli asoslab berilgan. Maqolada boshlang‘ich ta’lim
o‘qituvchilari uchun matn bilan ishlash ko‘nikmalarini rivojlantirishning bosqichlari, samarali metodik yondashuvlari va
mazmuniy-tuzilmaviy tamoyillari yoritilgan. Xususan, badiiy matnlarning obrazli tasvirlar orqali axloqiy va ma’naviy g‘oyalarni
singdirishi, ilmiy-ommabop matnlarning bolalarning dunyoqarashini kengaytirishi, axborot matnlarining esa tanqidiy
tahlil va xulosa chiqarish ko‘nikmalarini rivojlantirishdagi o‘rni batafsil ochib berilgan