ETNOGRAFIK TURIZMNING ASOSIY FAOLIYATLARI VA YO'NALISHLARINI RIVOJLANTIRISH BOSQICHLARI.

Mamlakatimizda turizm sohasining jadal rivojlanib borayotgani, xususan etnografik turizm yo‘nalishining keng quloch yozayotgani quvonarlidir. Mazkur maqolada etnografik turizmning mazmun-mohiyati, uning asosiy yo‘nalishlari va faoliyat shakllari tahlil qilinadi. O‘zbekiston hududida mavjud bo‘lgan etnoturistik imkoniyatlar, jumladan, Buxoro, Samarqand, Xiva, Qoraqalpog‘iston Respublikasi, Surxondaryo viloyati va Farg‘ona vodiysi misolida o‘rganilgan. Shuningdek, Prezident farmonlari asosida mazkur yo‘nalishga davlat darajasida e’tibor kuchayib borayotgani qayd etiladi. Etnoturizmning rivojlanishi nafaqat milliy qadriyatlarni targ‘ib qilish, balki mintaqalarda yangi ish o‘rinlari yaratish, infratuzilmani yaxshilash hamda iqtisodiy o‘sishni ta’minlashda ham muhim omil sifatida qaraladi. Ushbu tadqiqotda O‘zbekistonning boy madaniy merosi va xalq og‘zaki ijodini turizm orqali ommalashtirish imkoniyatlari ko‘rsatib berilgan.