OʻZBEKISTONDA MICE TURIZMI UCHUN KADRLAR TAYYORLASH VA SERVIS SIFATI MUAMMOLARI

Oʻzbekistonda MICE (Meetings, Incentives, Conferences, Exhibitions) turizmini rivojlantirishda malakali kadrlar tayyorlash va servis sifati bilan bogʻliq muammolar tahlil qilinadi. MICE turizmi oʻzining murakkab tashkiliy va xizmat koʻrsatish talablariga ega boʻlib, bu soha uchun maxsus bilim va koʻnikmaga ega mutaxassislar zarurligini taqozo etadi. Maqolada oliy taʼlim muassasalarida MICE yoʻnalishiga ixtisoslashgan oʻquv dasturlarining yetishmasligi, til koʻnikmalari va servis madaniyatining pastligi asosiy muammolar sifatida koʻrsatib oʻtilgan. Shuningdek, xizmat sifati va xalqaro mezonlarga mos kadrlar tayyorlash uchun zarur boʻlgan taklif va tavsiyalar ilgari suriladi. Tadqiqot natijalari MICE turizmi salohiyatini toʻliq amalga oshirish uchun kadrlar siyosatini takomillashtirish zarurligini koʻrsatadi.