MILLIY TARBIYA ASOSIDA BO'LAJAK BOSHLANG'ICH TA'LIM O'QITUVCHILARINING PEDAGOGIK MAHORATINI RIVOJLANTIRISH

Mazkur maqolada milliy tarbiya asosida bo‘lajak boshlang‘ich ta’lim o‘qituvchilarining pedagogik mahoratini rivojlantirish masalasi keng yoritilgan. Milliy g‘oya va milliy tarbiyaning o‘qituvchi shaxsiyatini shakllantirishdagi o‘rni, ularning kasbiy kompetensiyani rivojlantirishdagi ta’siri haqida chuqur tahlil yuritadi. Jumladan, insonparvarlik, ezgulik va bunyodkorlik tamoyillari asosida ta’lim-tarbiya jarayonida yangi yondashuvlarni joriy etish zarurligi asoslab berilgan. Milliy qadriyatlar va zamonaviy pedagogik metodlar uyg‘unligining samaradorligi IMR (Ilmiy-Milliy Refleksiya) metodining qo‘llanilishi orqali ko‘rsatiladi. Shuningdek, maqolada “Topag‘onlar o‘yini” kabi ijodiy metodlar orqali o‘quvchilarda jamoaviylik, mantiqiy fikrlash va estetik didni shakllantirishga xizmat qiluvchi faoliyatlar haqida ma’lumot beriladi. Xulosa sifatida, milliy tarbiya va zamonaviy ta’lim metodlari integratsiyasi orqali zamon talablari darajasida fikrlaydigan, barkamol shaxslarni tarbiyalovchi pedagoglarni tayyorlashning dolzarbligi ta’kidlangan.