ДЕНЕ ТАРБИЯ САБАКТАРЫНДА МААЛЫМАТТЫК ТЕХНОЛОГИЯЛАРДЫ КОЛДОНУУ ТАЖРЫЙБАЛАРЫ

Бул макалада дене тарбия сабактарында маалыматтык технологияларды (МТ) колдонуу тажрыйбалары жана алардын билим берүү процессиндеги ролу талданат. XXI кылымда билим берүү тармагында МТнын кеңири колдонулушу, айрыкча дене тарбия сабактарында, студенттердин окууга болгон мотивациясын арттырууга жана окуу процессин жекече өздөштүрүүгө шарт түзүүдө. Автор дене тарбия сабактарында колдонулуп жаткан мультимедиялык материалдар, видеосабактар, интерактивдүү тренажёрлор, онлайн платформалар жана акылдуу шаймандар сыяктуу каражаттардын мүмкүнчүлүктөрүн ачып берет. Ошондой эле спорттук машыгуу, мелдештерди уюштуруу, ден соолукту чыңдоочу физкультура жана билим берүү программаларында МТны колдонуу ыкмалары камтылган. Изилдөөлөрдүн негизинде маалыматтык технологиялар студенттердин кыймыл активдүүлүгүн жогорулатууга, физикалык даярдыгын көзөмөлдөөгө жана окутуунун сапатын жакшыртууга өбөлгө түзөрү белгиленет. Макала жогорку окуу жайларында МТны интеграциялоо боюнча мисалдар жана укуктук-методикалык база менен да тааныштырат.