Raqamli ta'lim muhitini shakllantirish asosi sifatida kichik maktab o'quvchilariga informatika va axborot texnologiyalarini o'qitishning o'quv-uslubiy ta'minoti

Ushbu maqolada raqamli ta’lim muhitini shakllantirishning asosiy omili sifatida kichik maktab o‘quvchilariga
informatika va axborot texnologiyalarini o‘qitishga zarur bo‘lgan o‘quv-uslubiy ta’minot masalalari yoritilgan. Tadqiqotda
informatika fanini ta’limning ilk bosqichidanoq joriy etish orqali o‘quvchilarda raqamli savodxonlik, mantiqiy fikrlash va
muammoni hal qilish ko‘nikmalarini shakllantirish zarurligi ta’kidlanadi. Bilimlarni samarali yetkazib berish uchun metodik
yondashuvlar hamda innovatsion ta’lim vositalari ko‘rib chiqilgan. Shuningdek, maqolada ta’lim jarayoniga raqamli
resurslarni integratsiyalash strategiyalari bayon etilib, yosh o‘quvchilarda raqamli kompetensiyani shakllantirish uchun
zamin yaratish ko‘zda tutilgan.