MUZEY PEDAGOGIKASINING TURIZM SOHASIDA KADRLAR TAYYORLASHDAGI O'RNI VA IMKONIYATLARI

Mazkur maqolada muzey pedagogikasining turizm sohasi uchun kadrlar tayyorlashdagi ahamiyati va amaliy imkoniyatlari tahlil qilinadi. Unda muzeylar pedagogik resurs sifatida qaralib, talabalarda kasbiy kompetensiyalarni shakllantirishda ularning o‘rni yoritilgan. Shuningdek, muzey muhitida o‘quv faoliyatini tashkil etishning samarali shakllari va metodlari, talabalarni turizm faoliyatiga tayyorlash jarayonidagi ta’limiy-innovatsion yondashuvlar asoslab beriladi. Tadqiqot davomida muzey-pedagogik yondashuv orqali talabalarning madaniy, tarixiy va ijtimoiy ongini rivojlantirish, ularning kasbiy motivatsiyasini oshirish yo‘llari ko‘rsatib berilgan. Maqola pedagogika sohasi mutaxassislari, oliy ta’lim muassasalari o‘qituvchilari va turizm ta’limi bilan shug‘ullanuvchi mutasaddi tashkilotlar uchun amaliy ahamiyatga ega.