RAQAMLI IQTISODIYOTNING YALPI ICHKI MAHSULOT (YAIM)GA QO'SHGAN HISSASI: O'ZBEKISTON MISOLIDA TAHLIL

Ushbu maqolada raqamli iqtisodiyotning O‘zbekiston Respublikasi yalpi ichki mahsulotiga (YIM) qo‘shgan hissasi har tomonlama tahlil etiladi. Raqamli texnologiyalar XXI asr iqtisodiyotining ajralmas qismiga aylanib, ularning jahon va mintaqaviy iqtisodiy rivojlanishga ta’siri tobora kuchayib bormoqda. O‘zbekiston misolida olib borilgan tahlillarda mamlakatda raqamli infratuzilma, elektron tijorat, IT xizmatlar eksporti, raqamli moliyaviy xizmatlar va elektron hukumat tizimlarining YIM tarkibidagi o‘rni statistik ma’lumotlar va rasmiy hujjatlar asosida yoritib beriladi. Maqolada mavjud qonunchilik bazasi, xalqaro tajriba va mavjud muammolar asosida raqamli iqtisodiyotning istiqbollari ham tahlil qilinadi.