PSIXOLOG TRENERNING KASBIY KO'NIKMALARI VA PSIXOLOGIK SALOHIYATINI OSHIRUVCHI AMALIY TRENINGLAR

Ushbu tadqiqotda psixolog trenerlarning psixologik salohiyatini oshirish va kasbiy ko’nikmalarini shakllantirish davomida psixologik treninglarni tashkillashtirishdagi vazifalari haqida ma’lumotlar beriladi. Psixolog trener o’z navbatida treninglarni amaliy boshqaruvchisi sifatida qaraganimizda, trening mohiyati va maqsadini hisobga olgan holda psixologik tadqiqotlarga asoslangan metodologiyalardan foydalanish tavsiya etiladi. Chunki psixologik bilimlar, psixologik tadqiqotlar asosida tashkillashtirilgan treninglar davomida biz samarali natijalarga erishishimiz mumkin bo’ladi. Psixolog trener kasbiy ko’nikmalarini oshirish davomida psixologik bilimlarini mustahkamlab boorish maqsadga muvofiq. Ushbu tadqiqot psixolog trenerning faoliyati va tajribalari davomida kerakli ma’lumotlarga ega bo’lishlari uchun xizmat qiladi.