RAQOBATBARDOSHLIKNI OSHIRISHDA KLASTER TIZIMINING INSTITUTSIONAL AHAMIYATI

Mazkur maqolada raqobatbardoshlikni oshirishda klaster tizimining institutsional ahamiyati tahlil qilinadi. Klaster yondashuvi global iqtisodiyotda strategik rivojlanish omili sifatida qaralib, u ishlab chiqarish samaradorligi, innovatsion faoliyat va bozor talablariga tez moslashish imkoniyatlarini kengaytiradi. Tadqiqot davomida klaster tizimining normativ-huquqiy asoslari, davlat va xususiy sektor hamkorligi, ilmiy-tadqiqot institutlarining roli hamda klasterlar orqali eksport salohiyatini kengaytirish masalalari ko‘rib chiqiladi. Klaster tizimi doirasida resurslardan samarali foydalanish, tannarxni pasaytirish va ijtimoiy-iqtisodiy barqarorlikni ta’minlash bo‘yicha ilmiy asoslangan tavsiyalar ishlab chiqilgan.