EKSPORT SALOHIYATINI RIVOJLANTIRISHNING ASOSIY YO'NALISHLARI VA AHAMIYATI

Maqolada O‘zbekistonda eksport salohiyatini rivojlantirishning asosiy yo‘nalishlari va ahamiyati chuqur tahlil qilingan. Tadqiqot xalqaro savdo nazariyalari, jumladan, klassik, neoklassik va zamonaviy modellarning mamlakat iqtisodiy rivojlanishiga ta’siri asosida olib borilgan. Eksport o‘sishining resurslarni qayta taqsimlash, miqyos samarasini oshirish, ishlab chiqarish samaradorligini yaxshilash va bilim almashinuvi kabi iqtisodiy ta’sirlari keng qamrovda yoritilgan. Maqolada eksportni rag‘batlantirish va importni almashtirish strategiyalarining iqtisodiy tuzilmani barqarorlashtirishdagi o‘rni va o‘zaro bog‘liqligi tahlil etilgan. Taklif etilgan chora-tadbirlar institutsional qo‘llab-quvvatlashni kuchaytirish, eksportni diversifikatsiya qilish, innovatsiyalarni rivojlantirish va xalqaro savdo shartnomalaridan samarali foydalanishni o‘z ichiga oladi.