GLOBAL KOMPANIYALARDA BARQAROR RIVOJLANISH VA KORPORATIV IJTIMOIY MAS'ULIYAT: INTEGRATSIYALASH VA BOSHQARISH

Ushbu maqolada global kompaniyalarda barqaror rivojlanish va korporativ ijtimoiy mas’uliyat (KIM) tamoyillarining integratsiyasi va boshqaruvi tahlil qilinadi. Barqaror rivojlanishning iqtisodiy, ijtimoiy va ekologik jihatlari hamda KIMning mohiyati va ahamiyati yoritib berilgan. Global kompaniyalarning ilg‘or amaliyotlari, KIM tamoyillarini joriy etish jarayonida yuzaga keladigan qiyinchiliklar va ularni samarali boshqarish strategiyalari ko‘rib chiqilgan. Maqolada Unilever, Tesla va IKEA kabi kompaniyalarning barqaror rivojlanish tamoyillarini amalga oshirishdagi muvaffaqiyatli tajribalari misol sifatida keltirilgan. Xulosa qismida barqaror rivojlanish va KIMni integratsiyalash bo‘yicha tavsiyalar berilgan. Ushbu ish global miqyosdagi kompaniyalar uchun barqaror rivojlanishning strategik yondashuvlari haqida keng tasavvur beradi.