OMMAVIY ONLAYN OCHIQ KURSLARI

Bugungi kunda taʻlim sohasida innovatsiyalar, ayniqsa onlayn taʻlim platformalari yordamida, keng tarqalmoqda. Ommaviy onlayn ochiq kurslar (MOOC) - bu talabalar va oʻquvchilarga dunyoning istalgan burchagidan turib, yuqori sifatli taʻlim olish imkonini beruvchi platformalardir. Ushbu kurslar ilmiy va kasbiy malaka oshirishni osonlashtirib, bir vaqtning oʻzida dunyo boʻylab millionlab oʻquvchilarga xizmat qiladi. MOOC konsepti 2008-yilda AQShda taʻlim texnologiyalari mutaxassislari tomonidan ishlab chiqilgan boʻlib, tez orada global taʻlim tarmogʻining ajralmas qismiga aylandi. “Massive Open Online Course” deb ataladigan bu tizimda kurslar barcha uchun bepul yoki arzon narxlarda mavjud, shu bilan birga, ishtirokchilar darslar va materiallar bilan onlayn tanishish, ular ustida ishlash va baholashni amalga oshirish imkoniga ega. Ommaviy onlayn ochiq kurslarning asosiy afzalliklaridan biri shundaki, ular har qanday yoshdagi va malakaga ega insonlarga oʻz bilimlarini yangilash yoki yangi sohalarda oʻqish imkoniyatini yaratadi.