OʻZBEK TILI KORPUSIDA FILOLOGIK TERMINLAR BAZASINI SHAKLLANTIRISHNING AMALIY AHAMIYATI

Oʻzbek tili korpusida filologik terminlarni tadqiq qilish milliy til va adabiyot rivojlanishi uchun muhim ahamiyat kasb etadi. Ushbu maqola Oʻzbek tili korpusidagi filologik terminlarning lingvistik tahlil usullari, ularning leksik-semantik xususiyatlari hamda zamonaviy texnologiyalar yordamida avtomatlashtirilgan tarzda oʻrganish imkoniyatlarini yoritishga qaratilgan. Shuningdek, ilmiy terminlarning korpusdan foydalangan holda tizimli tasnifi, ularni tarjimada qoʻllashda yuzaga keluvchi muammolar va ularning yechimlari tahlil qilinadi. Tadqiqot natijalari lingvistik sohada yangi yondashuvlarni shakllantirish va filologik maʼlumotlarning aniqroq qayta ishlanishiga hissa qoʻshishi mumkin.