ЎЗБЕКИСТОН РЕСПУБЛИКАСИДА СОЛИҚ СИЁСАТИНИ ИСЛОҲ ҚИЛИШНИНГ ЙЎНАЛИШЛАРИ

Ўзбекистон Республикасида иқтисодий ривожланишнинг барқарорлигини таъминлаш ва тадбиркорлик муҳитини яхшилаш мақсадида солиқ сиёсати доимий равишда такомиллаштириб борилмоқда. Солиқлар давлатнинг муҳим иқтисодий воситаси сифатида бюджет даромадларини шакллантириш, ижтимоий дастурларни молиялаштириш ва аҳолининг фаровонлигини оширишда алоҳида аҳамият касб этади. Шу боис, солиқ тизими самарадорлигини ошириш, уни соддалаштириш ҳамда халқаро амалиётга мувофиқ ҳолга келтириш устувор вазифалардан бири ҳисобланади.