BO`LAJAK O`QITUVCHILARNING FAOLIYATIDA NUTQ MADANIYATINING O`RNI

Annotatsiya: Pedagog nutqining madaniyligi – uning bilim darajasi, aql idrokining ko‘lami, fikrlashdagi yetukligi bilan bir qatorda - ona tilining boyligidan foydalana bilishiga ham bog‘liq. Til – har bir pedagogning quroli, fikrning bevosita voqelikka chiqishidir. Donolar ta’kidlaganlaridek, inson akd-zakovati, tafakkuri va ongining eng boy yutuqlari, teran bilimlar, keng miqyosli ilm-fanlar, otashin his-tuyg‘ular nutqda ochiq-oydin, jarangdor va jozibador ifodalanmasa, ko‘pchilikka noma’lum bo‘lib qolaveradi. Binobarin, pedagogning, notiqning vazifasi bayon etiladigan fikrlarni tinglovchilar bevosita qabul qilib olishiga erishishdan iborat. Bu esa notiqning o‘z fikrini qanday shaklda ifoda qilishiga bog‘liqligi muhim sanaladi.

Tayanch so‘z, iboralar: Nutq madaniyati, til, so‘z, nutq, his-tuyg‘u, badiiy tasvir, fikr, aql-zakovat, tafakkur.