OʻZBEK VA QORAQALPOQ TILSHUNOSLIGIDA LINGVOKULTUROLOGIK BIRLIKLARNING OʻRGANILISHI

Til birliklarini lingvomadaniy jihatdan o‘rganish zamonaviy tilshunoslikning asosiy masalalaridan biri hisoblanadi. Dunyo tilshunosligida lingvokulturologiyaga bo‘lgan qiziqish yildan yilga ortib bormoqda. Xalqlarning milliy o‘zligini anglashi, til va madaniyatning o‘zaro munosabati masalalari jahon tilshunosligida inson omilini lingvomadaniy jihatdan o‘rganishda katta ilmiy ahamiyatga ega. Til va madaniyat munosabatini “inson, til va madaniyat”ning o‘zaro aloqasi va ta’siri doirasida tahlil qilish mumkin. O‘zbek va qoraqalpoq tilshunosligida tilning milliy madaniyat va ma’naviyatini, diniy tasavvur va turmush tajribalarini til birliklarida saqlash hamda namoyon qilish muammolari markaziy o‘rinlarni egallaydi.