ИШТИРОКЧИЛИК ТЎҒРИСИДА ҚОНУНЧИЛИКНИ ТАКОМИЛЛАШТИРИШНИНГ ДОЛЗАРБ МУАММОЛАРИ

Мазкур мақолада жиноятда иштирокчилик тушунчасининг назарий ва амалий жиҳатлари чуқур таҳлил қилинади. Жиноятда иштирокчиларнинг асосий вазифалари – бажарувчи, ташкилотчи, далолатчи ва ёрдамчининг роли ҳамда уларнинг жиноий фаолиятдаги алоқаси ёритилган. Шунингдек, жиноят кодекси нормаларида иштирокчилик тушунчасини такомиллаштириш бўйича долзарб муаммолар кўриб чиқилган. Ушбу тадқиқот натижалари жиноий жавобгарликни аниқлашда ҳуқуқни муҳофаза қилувчи органларга илмий-амалий асос бўлиб хизмат қилади. Муаллифлар томонидан жиноят содир этишда иштирокчиларнинг ҳаракатларини қонуний квалификациялашнинг аҳамияти алоҳида таъкидланган. Мақолада жиноятчиликка қарши кураш самарадорлигини ошириш мақсадида янги ҳуқуқий концепциялар ва ташаббуслар таклиф қилинган.