ANG PAGGAMIT NG YOUTUBE BILANG KASANGKAPAN SA PAGKATUTO NG MGA MAG-AARAL SA UGNAYAN NG WIKA, KULTURA, AT LIPUNAN (FIL 104)

Ang pag-aaral na ito ay mayroong tatlong pangunahing layunin, (1) Maisa-isa ang gamit ng Youtube bilang: (a) Kasangkapan sa pagkatuto, at (b) epekto ng paggamit ng Youtube sa pagkatuto; (2) Matukoy ang antas ng akademikong performans ng mga mag-aaral sa kursong Ugnayan ng Wika, Kultura at Lipunan (FIL 104) sa Ikalawang Semestre; at (3) Mailahad ang kabuluhang ugnayan ng akademik performans at antas sa paggamit ng Youtube ng mga mag-aaral bilang kasangkapan sa pagkatuto at epekto ng paggamit ng Youtube. Isinagawa ang pag-aaral na ito sa Don Carlos Polytechnic College noong ika- 20 ng Hulyo taong 2024, gamit ang sarbey kwestyuner ay pumili ang mananaliksik ng mga mag-aaral sa paraang stratified random sampling ng tigsa-sampung (10) mag-aaral sa labing dawalang (12) seksyon na may kursong Ugnayan ng Wika, Kultura at Lipunan (FIL104). Isinakatuparan ang pag-aaral na ito sa pamamagitan ng kagamitang estadistikal gaya ng mean, percentage, frequency at standard deviation para makumpara ang mga iskor sa isang daan at dalawampong (120) mga respondente.