АБДУЛАЗИЗХОН МАДРАСАСИ ВА БУХОРО ЁДГОРЛИКЛАРИДА ЗООМОРФИЗМ

Исломгача бўлган Бухоро тарихий ёдгорликларида инсон, ҳайвон, қуш тасвири ва бошқа шаклларнинг безак элементларини кўплаб учратиш мумкин. Масалан, биргина Варахша саройи харобаларида ўттизга яқин шундай турдаги деворий суратлар топиб ўрганилган. Шунингдек, Пойкент вайроналаридан топилган калонналарнинг пастги таянч қисмида товус шакллари бутунлигича сақланган. Варахша тасвирлари ганчдан Пойкент тасвирлари эса лойдан ишланганлиги билан ажралиб туради. Аммо воҳанинг кейинги даврлардаги меъморчилик услубида зооморфизм элементлари сиқиб чиқарилади.