PISA 2025 TADQIQOTIDA YANGI INNOVATSION YO'NALISH "RAQAMLI DUNYODA O'RGANISHNI BAHOLASH"

Raqamli dunyo ma’lumotlarga kirish va qayta ishlash usullarini tubdan o‘zgartirdi. Bunda ma’lumotlar oqimi bilan to‘g‘ri maqsadli ishlash va ularni ajrata olish hamda real hayotiy vaziyatlarda raqamli vositalardan mohirona foydalana olish muhim ahamiyat kasb etmoqda. Ushbu o‘zgarishni aks ettirgan holda, o‘quvchilar savodxonligini baholash xalqaro PISA 2025 dasturi yangi innovatsion yo‘nalish sifatida “Raqamli dunyoda o‘rganish” (Learning in Digital World) domenini taqdim etdi. Ushbu maqolada Raqamli dunyoda o‘rganishni baholashning ahamiyati va maqsadi, baholash usullari, afzallik va qiyinchiliklari, baholashning xususiyati hamda kompetensiyalari haqida atroflicha ma’lumot beriladi.