ИЖТИМОИЙ ДАВЛАТ РИВОЖИДА ЁШЛАР ФАОЛЛИГИНИ ОШИРИШ МАСАЛАСИ

Янгиланаётган Ўзбекистон сиёсати маънавий-маърифий ишларни тизимли ташкил этиш, бу борада амалга оширилаётган чора-тадбирларнинг самарадорлигини ошириш, аҳоли, айниқса ёшларнинг интеллектуал салоҳияти, онгу тафаккури ва дунёқарашини юксалтириш, мафкуравий иммунитетини мустаҳкамлаш, ватанпарварлик, халққа муҳаббат ва садоқат туйғуси билан яшайдиган баркамол авлодни тарбиялашга алоҳида эътибор қаратилмоқда. Зеро, Ўзбекистон ўзгаришлар жараёнлари оқимида ўзининг бетакрор ижтимоий-сиёсий, маънавий янгиланишлари дастурига эга бўлган давлат сифатида ўзига хос ва ўзига мос мавқе эгаллади. Ижтимоий ҳимоя ва инсоният тараққиётига кучли таъсир ўтказишга қодир бўлган давлат сифатида ўзининг кенг имкониятларини намоён этиш каби масалаларга эътибор қаратилган. Мақолада ижтимоий давлат ривожида ёшлар фаоллигини ошириш масалалари тадқиқ этилган.