ТАСВИРИЙ САНЪАТ ЎҚИТУВЧИСИНИНГ ИЛМИЙ-МЕТОДИК ТАЙЁРГАРЛИК ДАРАЖАСИ КОМПЕТЕНЦИЯСИНИ ШАКЛЛАНТИРИШ ОМИЛЛАРИ

Инсон онги ва ҳиссиётининг шаклланишида, узоқ ўтмишдан, то шу кунга қадар инсоният томонидан яратилган ҳамда ҳозирги кунда яратилаётган энг нодир санъат асарлари намуналари муҳим аҳамиятга эга. Шу жиҳатдан ҳам уларни ғоявий ва бадиий томонларини тушунтириш, санъат асарларини чизишни ўргатиш бўлажак тасвирий санъат ўқитувчисидан юксак даражадаги педагогик слоҳият ҳамда илмий-методик тайёргарликни талаб қилади. Бу эса ўз навбатида талабаларда санъат асарларига нисбатан бадиий ва гўзалликка бўлган муносабатни ривожлантириш, миллий ва жаҳон санъат дурдоналари ва уларни яратган ижодкорлар билан таништириш, нодир асарларни бадиий таҳлил этишга ўргатишга хизмат қилади.