USMON NOSIR SONETLARIDAGI SAN'AT

Usmon Nosir ijodi ko‘p qirrali bo‘lib, har jabhada yuksak mahorat bilan qalam tebratganini bilamiz. Xususan, uning sonet janrida ham yozilgan asarlari bo‘lib o‘zbek sonetchiligi rivojini  bir pog‘onaga ko‘tardi. XX asrning 20-yillarida paydo bo‘lgan o‘zbek soneti asrning oxirgi o‘n yilliklariga kelib o‘zining taraqqiyot bosqichlariga ko‘tarildi, tematik diapason kengaydi. Sharq va G‘arb she’riyatining an’analari birlashib, o‘ziga xos original o‘zbek soneti maktabi yuzaga keldi. Badiiy-falsafiy fikrlash tadriji o‘sdi.