НОТЎЛИҚ ОИЛАДА ВОЯГА ЕТАЁТГАН БОЛАЛАРНИНГ ҲУҚУҚИЙ, ДИНИЙ ҲАМДА ПСИХОЛОГИК ҲОЛАТИ

Халқимиз қадим-қадимдан бола тарбияси, таълими, келажагига катта эътибор билан қараган. Бола тарбиясида умуминсоний, миллий ва диний тажрибаларни уйғунликда олиб бориб, давлатимиз, жамиятимиз, қолаверса, дунё тараққиётига катта ҳисса қўшган олимлар, алломаларни етиштириб чиқарганлар. Бунга асосий сабаб, ўзбек халқида жамоавийлик руҳиятининг юқорилигидир. Унга кўра, фарзандларимиз нафақат ўзлари ва яқинларини, балки жамият, миллат, жамийки инсоният манфаатларини кўзлаган ҳолда иш олиб борадилар, дунё тамаддунига хизмат кўрсатадилар.