FAVQULODDA, EKSTREMAL VA INQIROZLI VAZIYATLAR JARAYONI PSIXOLOGIYASI

Ushbu maqolada favqulodda vaziyatlarda ish sharoitida yuzaga keladigan psixologik masalalar, favqulodda vaziyatlar psixologiyasi yoki falokat psixologiyasi bilan bog‘liq muammolarni yoritib berish zarur deb hisoblaymiz. Favqulodda vaziyatda ishlaydigan yuqori malakali mutaxassislar juda ko‘p stressli vaziyatning ta’siri bilan yonma - yon bo‘ladilar.  Bunday hollarda xato qilish kishi hayoti uchun qimmatga tushadi. Odamlarning hayotiga bog‘liq bo‘lishi mumkin bo‘lgan tezkor qarorlar qabul qilish zarurati, g‘ayritabiiy ish tartibi va axborot yetishmasligi bilan nostandart sharoitlarda ishlash ekstremal vaziyat mutaxassislarining o‘ziga xos xususiyati hisoblanadi.