ЎҚИТУВЧИНИНГ ЎҚУВЧИЛАР ЖАМОАСИГА ПЕДАГОГИК – ПСИХОЛОГИК ТАЪСИР КЎРСАТИШИ МУАММОСИ

Ўқувчилар гуруҳи ўз-ўзидан диффуз гуруҳ каби стихияли равишда вужудга келмайди. Бу жараён бевосита ўқитувчининг таъсири билан мулоҳаза тарзда кечади. Бунда ўқитувчининг фақат ижтимоий роль талаб этувчи қоидаларни бажариш билан кифоя қилинмайди. Бъазида фани бўйича, услубият соҳасида чуқур билимга эга бўлган педагог ўқувчиларнинг жамоавийлик руҳига сезиларли таъсир кўрсата олмайди. Негаки, бу жараён нафақат касбга оид чуқур билим эгаси бўлишни, балки аввал етук шахс бўлишни талаб қилади. Зеро, етук шахсни ҳам етук жамоани ҳам фақат етук шахс шакллантириши мумкин.