РОССИЯ ТАДҚИҚОТЛАРИДА БУХОРО АМИРЛИГИ СИЁСИЙ ТАРИХИ, БОШҚАРУВ ТИЗИМИ ВА ДАВЛАТЧИЛИК ЖАРАЁНЛАРИ ТАРИХИНИНГ ЎРГАНИЛИШИ (1991-2018).

Бухоро амирлигининг Россия империяси томонидан босиб олиниши рус шарқшунослари ва тарихчиларининг амирлик тарихи ва этнографияси, археологияси ва давлатчилиги тарихини янада чуқурроқ ўрганишга бўлган қизиқишларини кучайтириб юборган эди. Амирлик тарихини тадқиқ этиш ва бу борада илмий изланишларни амалга ошириш масаласи ХХ асрнинг сўнгги ўн йиллигида янада долзарб масалага айланди. Айниқса собиқ иттифоқдош республикаларнинг миллий мустақилликларини қўлга киритишлари тарихий тадқиқотлар ва уларнинг мазмун-моҳиятига ҳам илмий ёндашув нуқтаи назаридан ўз таъсирини ўтказиши бу масаланинг долзарблигини яна бир карра ошириб юборди. Бугунги кунларга қадар Россия тарихшунослигида Бухоро амирлиги тарихига оид тадқиқотлар, амирликнинг давлатчилиги тарихи жараёнлари ва давлат бошқаруви, Бухоро амирлигидаги анънавий давлат бошқарув тизими, Бухоро амирлигида турли йилларда амалга оширилган элчилик ишлари, Бухоро амирлигининг Россия империяси томонидан босиб олиниши ва давлат мустақиллигининг чекланиши масалалари, Бухоро амирлиги иқтисодий ҳаёти ва солиқ тизими, суд-ҳуқуқ муносабатлари ва жамиятнинг маънавий ҳаётига оид кўплаб илмий тадқиқотлар амалга оширилди, ўнлаб монографиялар ва илмий мақолалар эълон қилинди. Юқорида қайд этилганидек, бу тадқиқотларнинг мазмунида ва уларнинг муаллифларининг илмий қарашлари ва тадқиқотни амалга оширишдаги назарий ёндашувларида турли ҳолатларни кўриш мумкин. Айрим вазиятларда эса айни бир масала юзасидан турлича ёндашувлар ва қарашларнинг мавжудлиги эса бу тадқиқотларни ўрганиш ва илмий жиҳатдан таҳлилини амалга оширишнинг долзарблигини юзага чиқаради. Кейинги йилларда Россия тарихчилари томонидан Бухоро амирлиги сиёсий тарихининг турли жараёнларига бағишланган бир қатор илмий ишларни алоҳида кўрсатиб ўтиш мумкин, жумладан, О.А.Соловьева[1], Л.М.Смирнова[2], А.В.Сальникова[3], А.Г.Данков[4], Н.В.Булхак[5], С.Н.Брежнева[6], С.С.Бороздин[7], Б.А.Алимджанов[8], В.Л.Генис[9], Р.Ю.Почекаев[10] каби тарихчилар томонидан амалга оширилган тадқиқотларда юқорида қайд этилган масалаларнинг тарихий ва илмий таҳлилини кўриш мумкин. Бухоро амирлигининг давлатчилик масалалари, давлат бошқарув тизими ва Манғитлар сулоласи вакилларининг давлат бошқарувидаги фаолияти масалалари россиялик тадқиқотчилардан бири О.А.Соловьева томонидан “Историко-этнографические аспекты традиционной должностной власти и управления в Бухарском эмирате XIХ - начала ХХ веков” мавзусидаги диссертациясида тадқиқ этилган[11]. Диссертация тадқиқотида Ўрта Осиёнинг ўтроқ халқларининг сиёсий маданияти, хусусан, Бухоро амирлигидаги анънавий давлат бошқарув тизими, марказий ва маъмурий бошқарувдаги унвон ва мансабларнинг ўрни, уларнинг давлат бошқарув ишларидаги иштирокини кўрсатиб беришга алоҳида аҳамият қаратилган. Бу борада амалга оширилган тадқиқот натижалари орасида Бухоро амирлиги бошқарувининг ўзига хослиги, айни вақтда унинг ўзига хослигини кўрсатиб беришда Қўқон хонлиги ва Хива хонлиги давлат бошқарув тизимлариниг қиёсий таҳлили ўрганилганлиги, Бухоро амирларининг давлат бошқарувидаги фаолияти, XIХ – ХХ аср бошларида Бухоро амирлигида давлат бошқарув ва ҳокимияти институтининг шаклланганлиги ва ўзига хосликлари, бошқарувдаги унвонлар ва мансаблар эгаларининг бошқарув жараёнидаги хизмат ваколатлари ва уларнинг бошқарув жараёнида қўлланилиши кабиларга асосий эътибор қаратилганлигини кўриш мумкин[12].

[1] Соловьева О.А. Историко-этнографические аспекты традиционной должностной власти и управления в Бухарском эмирате XIX - начала XX веков. Автореферат диссертации кандидат исторических наук. – Санкт-Петербург, 2000.

[2] Смирнова Л.М. Англо-русское соперничество в Центральной Азии в 70-90-е годы XIX века. Автореферат диссертации кандидата исторических наук . – Санкт-Петербург, 2004.

[3] Сальникова А.В. Англо-русское соперничество в Центральной Азии в последней трети XIX - начале XX века. Автореферат диссертации кандидата исторических наук . – Владимир, 2009.

[4] Данков А.Г. “Отечественная и британская историография о соперничестве России и Великобритании в Центральной Азии (XIX- начало XXI вв.)”. Автореферат диссертации на соискание ученой степени кандидата исторических наук. – Томск. 2008.

[5] Булхак Н.В. Военно-дипломатическая деятельность государственных органов России по обеспечению приоритета в решении "восточного вопроса" в XIX веке. Автореферат дисс... докт.истор.наук. – Москва. 2006.

[6] Брежнева С.Н. Историография проблемы присоединения Туркестанского края к России: вторая половина XIX в.- начало XXI в. Автореферат диссертации на соискание ученой степени доктора исторических наук. – Москва, 2005.

[7] Бороздин С.С. Политика российских властей в отношении мусульмапского населения Туркестана и Бухары (1867 - 1914). Автореферат диссертации па соискание ученой степени кандидата исторических наук. – Екатеринбург, 2012.

[8] Алимджанов Б.А. Экономическая политика Российской империи в Туркестанском генерал-губернаторстве (вторая половина XIX-начало XX вв.). Диссертация на соискание ученой степени кандидата исторических наук. – Санкт-Петербург, 2016.

[9] Генис В. Л. Разгром Бухарского эмирата в 1920 году // Вопросы истории. – 1993. - № 7.

[10] Почекаев Р.Ю. Российский протекторат над Бухарой в оценках бухарской элиты конца XIX — начала XX в. // Вестник Российского университета дружбы народов. Серия: Юридические науки. 2017. – Санкт-Петербург.: 21. № 4. – С. 508-527.

[11] Соловьева О.А. Историко-этнографические аспекты традиционной должностной власти и управления в Бухарском эмирате XIX - начала XX веков. Автореферат диссертации кандидат исторических наук. – Санкт-Петербург, 2000.

[12] Соловьева О.А. Историко-этнографические аспекты традиционной должностной власти и управления в Бухарском эмирате XIX - начала XX веков. Автореферат диссертации кандидат исторических наук. – Санкт-Петербург, 2000. – С. 4-9.