Nazar Eshonqul asarlarida lirik tasvir, majoz va psixologizm dialektikasi

Lirizm va uning bag‘rida psixologik tasvir mohiyatining namoyon bo‘lishi inson qalbi kechinmalari, ayollar olami, sevgi – muhabbat, qo‘shiq, musiqa, peyzaj, maktub, dialog kabi adabiy komponentlar orqali amalga oshirilishi mumkin. Lirizm masalasi Nazar Eshonqulning “Momoqo‘shiq” qissasida qo‘shiq vositasida ancha mukammal namoyon bo‘ladi. Maqolada qissaning yetakchi obrazlaridan biri Muazzam timsolida asarning lirik – poetik mohiyati o‘z ifodasini topganligi ilmiy-nazariy yoritiladi.