ಲಾಫಿಂಗ್ ಫಿಜಿಯೋಲಜಿ

ಸಂಗೀತಕ್ಕೆ ಪಶುಗಳು ತಲೆದೂಗುತ್ತವಂತೆ, ಅಹುದೇ?” “ಪಶುಗಳು? ನಾಗರಹಾವೂ ತಲೆದೂಗುತ್ತದಂತೆ ಸಂಗೀತಕ್ಕೆ.” “ನಾಗರಹಾವು ಮಾತ್ರವೇ ಏಕೆ? ಅನೇಕ ಗಂಡುಗಳು ಕೂಡ ತಲೆದೂಗುತ್ತವೆ.” ಕಮಲಮ್ಮ ಕುಳಿತಲ್ಲಿಯ ಕದಲಿದರು. ಎದೆಗೆ ಏನೋ ನಾಟಿದಂತಾಯಿತು. ಕೈಲಿದ್ದ ಪತ್ರಿಕೆ ಕೆಳಬಿದ್ದಿತು. ಕನ್ನಡಕವನ್ನು ತೆಗೆಯುತ್ತ ನುಡಿದರು.

“ರತ್ನಾ! ನಿನಗೆ ನೂರು ಬಾರಿ ಹೇಳಿದ್ದೇನೆ. ಯಾರ ಬಗ್ಗೆಯೇ ಆಗಲಿ ಮನಸ್ಸನ್ನು ಹೀಗೆ ಕಹಿ ಮಾಡಿಕೊಳ್ಳುವುದು ಒಳ್ಳೆಯದಲ್ಲ. ಏನು ನೀನನ್ನುವುದು ? ಎಲ್ಲ ಗಂಡಸರೂ ನಾಗರ ಹಾವಿನಕ್ಕಿಂತಲೂ ಹೆಚ್ಚು ವಿಷಪೂರಿತರು ಎಂಬುದೇನು ನಿನ್ನ ಅಭಿಪ್ರಾಯ?”