ИСАЖОН СУЛТОН ҲИКОЯЛАРДА ХОТИРА ХРОНОТОПИ

Ўзбекистон халқ ёзувчиси Исажон Султон ҳикояларида воқеликни ифодалашда шунчаки гапириб, сўзлаб бериш эмас, ўқувчини номаълум бўлган “нимагадир” ишонтириш, шу орқали маънавий дунёсига “нимадир” юқтириш ҳам асосий мақсадлардан бири саналади. Замонда рўй бераётган воқелик йиллар оша ўзгариб, мураккаблашиб катта бир маконни вужудга келтиради. А ва Б нуқтагача – ўсиш, ўзгариш, улғайиш, тушуниш, англаш, ҳис қилиш, кўникиш каби муносабатлар тиғизлиги қаҳрамон руҳиятининг кенгайишига, мулоҳазаларининг салмоғи ошишига замин яратади.