O'ZBEK TILIDAGI ELEKTRON MATNLARNI TASHKIL ETUVCHI ELEMENTLAR TAHLILI

Zamonaviy axborot kommunikatsiya texnologiyalarining rivojlanishi va ommalashishi natijasida yozma nutqning elektron shaklidan foydalanish qamrovi oshib bormoqda. Nutqni sintez qilish tizimlarining umumiy ishlash prinsipidan kelib chiqadigan bo‘lsak, jarayonning asosiy obyekti sifatida matn ko‘rib chiqiladi. Sintezni tashkil etish jarayonining asosiy qismi kiruvchi matnni tahlil qilish va unga dastlabki ishlov berish uchun sarflanadi. Berilgan tilning grammatik va leksik qoidalarining sintez jarayoniga tadbiq etilishi va boshqa tahlillar shu bosqichida amalga oshiriladi.