"DARK WEB" VA "DEEP WEB"DA RIVOJLANGAN NOQONUNIY FAOLIYATLAR VA ULARNI TARTIBGA SOLISH MUAMMOLARI

Maqolada internetning biz bilgan yuzaki tarmog'i (“surface web”)dan farqli o'laroq, kamchilikga ma’lum bo’lgan ko'zga ko'rinmaydigan qismi chuqur tarmoq (“deep web”) va qorong’u tarmoq (“dark web”)ning faoliyati, vazifalari, ularda amalga oshiriladigan jinoiy ishlar, inson huquqlarining buzilishi masalalari ko'rib chiqiladi. Shuningdek maqolada internetning jiddiy va keng tarmoqlari hisoblanuvchi va insoniyatga jiddiy xavflar tug’dirayotgan, qonuniy yo’l bilan tartibga solish global muammo bo’lib qolayotgan “dark web” va “deep web” alohida tahlil qilinib, ular har birining xususiyatlari, shuningdek insoniyatga xavf solayotgan umumiy muammolar tahlil qilinadi.