ЗАМОНАВИЙ ПСИХОЛОГИЯДА САЛОМАТЛИК ТУШУНЧАСИ

Жисмоний ва руҳий саломатлик - дунёнинг барча халқларида, инсон ва жамиятнинг энг катта хазинаси бўлиб келган ва ҳозиги кунда ҳам, шундайлигича қолмоқда. Бироқ, соғлиққа катта аҳамият берилишига қарамай, узоқ вақт давомида “саломатлик” тушунчаси аниқ илмий таърифга эга бўлмаган. Бугунги кунда, “саломатлик” тушунчасини таърифлашда турли хил ёндашувлар мавжуд. Айни дамда, кўпчилик муаллифлар [1] бу атама борасида бир-бирлари билан фақат бир масалада, яъни, ҳозирда “индивид саломатлиги” деган ягона, умумэътироф этилган, илмий асосланган тушунча йўқлигини қайд этадилар.