ҚИЗ БОЛАЛАРДА ЙОД ТАНҚИСЛИГИНИНГ ҲАЙЗ БУЗИЛИШИГА БОҒЛИҚЛИГИНИ ЎРГАНИШ

Йод қалқонсимон без томонидан ишлаб чиқариладиган гормонларнинг муҳим таркибий қисмидир. Йод  ва қалқонсимон без гормонлари инсон ҳаёти учун зарурдир. Янги туғилган чақалоқлар ва болалар учун йод танқислиги аянчли оқибатларга сабаб бўлади, яни, туғма гипотериоз, репродуктив бузилишлар,ақлий ва жисмоний ривожланишдан орқада қолиш киради. Йод танқислиги болалар гинекологиясининг муҳим вазифаларидан бири ҳисобланади. Хорижий муаллифлар фикрига кўра, ўсмир қизларда буқоқ частотаси 8% дан 90% гача, ва 15% ҳолларда буқоқ оғир клиника билан кечади ва ижтимоий  ва кундалик фаолиятининг бузилишига, меҳнат қобилиятининг йуқотилишига сабаб бўлади.  Шу сабаб бу патология жиддий ва ижтимоий муаммодир.