O'ZBEK TILINI XORIJIY TIL SIFATIDA O'QITISHDA FONETIK QOBILIYATLARNI RIVOJLANTIRISH VA TO'SIQLARNI BARTARAF ETISH USULLARI

Xorijiy til o‘rganish jarayonida til o‘rgatuvchi fonetik, leksik, grammatik qobiliyatlarni rivojlantirishga urg‘u berishi zarur. Ayniqsa, boshlang‘ich darajada(A1, A2) til o‘rganuvchilarning talaffuzi to‘g‘rilanmasa, o‘rta darajada bu ish ancha qiyin va murakkab amalga oshadi. Ushbu maqolada o‘zbek tilini xorijliklarga va qardoshlarga o‘rgatish jarayonida duch kelinadigan fonetik to‘siqlar va ularni bartaraf etish usullari, metodlari,  qilinishi zarur amaliy ishlar  haqida tahlillar natijasida  olingan xulosalar  asosida yoritib berilgan.