MHXslarni Birinchi Marta Qo'Llash Sharoitida Daromadlar Hisobini Xalqaro Standartlarga Moslashtirish Hamda Metodologik Asosini Takomillashtirish

Jahon iqtisodiyotida COVID-19 yangi shtammlari, inflyatsiya va qarzdorlik darajasining o‘sishi, daromadlardagi tengsizliklar kabi global muammolar namoyon bo‘lmoqda. 2021 yilda jahon bank guruhining bergan ma'lumotlariga ko‘ra aholi jon boshiga milliy daromad eng yuqori bo‘lgan ko‘rsatkich «Bermudida – 117730, Shvetsariyada – 85500, Norvegiyada – 82500, AQShda – 65850 AQSh dollari», eng past bo‘lgan ko‘rsatkich «Mozombik – 490, Malavi – 380, Burundi – 280 AQSh dollari» ekanligi qayd etilgan. Yalpi milliy daromadlarni ko‘paytirish korxonalarda yaratilayotgan tovar va xizmatlar qiymati hajmini oshirishni taqozo etadi. Masalan, birgina 2021 yilda Apple kompaniyasining daromadi 365,82 mlrd AQSh dollarini tashkil etdi. Shu sababdan ham barcha mamlakatlarda faoliyat ko‘rsatayotgan korxonalar daromadlarini oshirish hamda axborotlarning taqqoslanuvchanligi va ishonchligiga erishish dolzarb masala hisoblanadi. Buning uchun esa daromadlar hisobini moliyaviy hisobotning xalqaro standartlari (MHXS)ga uyg‘unlashtirish talab etiladi.