BOSHLANG'ICH SINF O'QUVCHLARINING IJODIY QOBILIYATLARINI BADIIY ADABIYOTLAR ASOSIDA SHAKLLANTIRISHNIING SAMARALI USULLARI

Ushbu maqolada boshlang'ich sinf o'quvchilarining badiiy adabiyotga asoslangan ijodiy qobiliyatlarini shakllantirishning mazmuni va mohiyati, kitoblarning bolaning ichki imkoniyatlarini yuzaga chiqarishdagi ro'li e'tirof etilgan. O'qituvchilar o'quv faoliyatida yosh maktab o'quvchilarining ijodiy qobiliyatlarini shakllantirish bo'yicha uslubiy tavsiyalardan foydalanishlari mumkin. O'quvchi dunyoqarashini kengaytirish, qalbining tub-tubiga kirib borish,  ongini rivojlantirish va orzulari sari harakat qilishda kitob va badiiy adabiyotning o'rni beqiyos. Bugungi kunda dunyoda kichik maktab o'quvchilarining ijodiy qobiliyatlarini shakllantirishni uslubiy takomillashtirish, kitob o'qishni kuchaytirish, o'quvchilarning ijodiy faolligi rivojlantirish, ichki imkoniyatlarini ro'yobga chiqarish bo'yicha ilmiy-tadqiqot ishlarini olib borish alohida ahamiyatga ega.