JAZONI IJRO ETISH MUASSASALARIDA MAHKUMLARNI IJTIMOIY FOYDALI MEHNATI TUSHUNCHASI

Mahkumlar mehnatidan foydalanish g‘oyasi jazoni ijro yetish tizimlarining turli modellarida (diniy, sanoat, islohotchi, tibbiy, adolat modeli, axloq tuzatish ishlari, ijtimoiy reabilitatsiya va reintegratsiya) o‘z aksini topgan. Bu fikr jinoyatchilarning mehnat qilish odatiga ega emasligi va bekorchilik odatiga ega ekanligi, hayotda nohalol (jinoyatchilik) yo‘l bilan muvaffaqiyatga erishish istagidan kelib chiqqan edi.