Ўзбекистонда самолётсозлик саноатида эришилган натижалар ва истиқбол

Шўролар замонида Ўзбекистонда самолётсозлик саноатига ҳам асос солинган эди. Маълумки, 1941-1945 йиллардаги Улуғ Ватан уруши йилларида юз минглаб инсонлар ва кўплаб саноат корхоналари Ўзбекистонга эвакуация қилинган. Жумладан, 1941 йилнинг кузида Москва вилоятининг Химки шаҳридан Тошкентга В. П. Чкалов номидаги авиация заводи кўчириб келтирилган ва ушбу завод базасида В. П. Чкалов номидаги Тошкент авиация заводи барпо этилган.