ISSUES OF STUDYING ARTISTIC MANUSCRIPT AND CALLIGRAPHY OF THE TEMURIDS PERIOD.

Мен ўз докладимда Темурийлар даври санъатининг бадиий қўлёзма каби кам текширилган соҳаси ва келажакда уни ўрганиш билан боғлиқ бўлган баъзи масалаларга тўхтаб ўтмоқчиман. XV асрдан бошлаб то XIX асргача Ўрта Осиё, Эрон, Афғонистон, Туркия ва Ҳиндистон олимлари томонидан хаттотлик, тасвирий санъат, бадиий қўлёзма тарихи ва назарияси ҳақида кўплаб илмий асарлар ёзилган. Мир Али Табризий, Султон Али Машҳадий, Қози Аҳмад ибн Мир Мунший ал-Ҳусайн ва бошқа Шарқ муаллифларининг асарларида айрим хаттот ва рассомларнинг ҳаёти, ижоди ҳақида бой биографик маълумотлар берилади.