ИНГЛИЗ ТАРЖИМА ЛУҒАТЛАРИДА ҲОЛАТ БИЛДИРУВЧИ СЎЗЛАРНИНГ ЛЕКСИКОГРАФИК ТАЛҚИНИ

Инглиз тилида аксарият сўзлар полисемантик ва полифункционаллик хусусиятини намоён этганлиги туфайли луғат мақоласида унинг қайси туркумга оид маъноси берилаётганлиги ҳақида помета бўлади (Буни ўзбек тилида сўзларни изоҳлашнинг биринчи фарқи сифатида таъкидлаш жоиз). Бундай помета  полисемантик ва полифункционал сўзлар изоҳининг барчасига бирдек тааллуқли. Инглиз тили онлайн луғатларида сўзларнинг изоҳи жуда кенг берилган. Биз туркумга мансублик ҳақидаги пометага таянган ҳолда фақат тадқиқ предметимизга тегишли изоҳларнигина мисол тариқасида келтирамиз ва таҳлил қиламиз.