O'ZBEK MUMTOZ QO'SHIQLARINING O'ZIGA XOS XUSUSIYATLARI

Butun yer yuzida yashovchi xalqlar o'z madaniyati,tili va dini hamda musiqiy madaniyatiga ega.Sharq xalqlari o'zining rivojlanish jarayoni,o'ziga xos madaniy turmush tarzi bilan ajralib turgan.Asosan Sharq xalqlarining musiqiy madaniyati maqom janri negizida shakllangan.Ilmiy tadqiqotlar natijasiga ko'ra o'n uchinchi-o'n yettinchi asrlarda O'rta Osiyo xalqlari musiqasida o'n ikki maqom mavjud bo'lgan.O'zbek mumtoz musiqasi mazmuniy jihatdan teran ma'noga ega va o'zida azaliy an'analarni shakllantiradi.